ភ្នំពេញ៖ សហព័ន្ធកីឡាបាល់ទាត់អាស៊ីអាគ្នេយ៍ (AFF) បានចុះផ្សាយថា U23 មីយ៉ាន់ម៉ា បានដកខ្លួនចេញពីព្រឹត្តិការណ៍ AFF U23 ហើយដោយសារករណីកូវីដ-១៩ ក្នុងចំណោមកីឡាករជាច្រើន ខណៈការប្រកួតជាមួយនឹងម៉ាឡេស៊ីគ្រោងប្រកួតនៅម៉ោង ៤ រសៀល សម្រាប់ជំនួបពូល B នាកីឡដ្ឋានព្រីនស៍។
AFF បានបញ្ជាក់ថា លទ្ធផលតេស្តវិជ្ជមានលើកីឡាករជាច្រើន ដែលជាមូលហេតុនាំឲ្យក្រុមដកខ្លួនចេញពីព្រឹត្តិការណ៍ ដើម្បីកាត់បន្ថយការរាលដាល។ កីឡាករ និងបុគ្គលិកផ្សេងទៀត ដែលប៉ះពាល់ដោយផ្ទាល់ ត្រូវបានដាក់ដោយឡែកដើម្បីតាមដាន។
ក្រោយការដកខ្លួនរបស់មីយ៉ាន់ម៉ា មានន័យថា ក្នុងពូល B នេះមានតែក្រុមពីរប៉ុណ្ណោះដែលនៅសេសសល់ ពោលគឺម៉ាឡេស៊ី និងឡាវ ដោយមីយ៉ាន់ម៉ា ជាក្រុមទីពីរបន្ទាប់ពីឥណ្ឌូណេស៊ី ដែលបានដកខ្លួនចេញក្រោមហេតុផលដូចគ្នា៕
